Friday, September 23, 2016

Excerpts from my Urdu Novel

2016 September: I have started work on my first Urdu novel ... you may scroll down to read the first draft of a chapter from this novel ... this first image is of the Urdu text as it appears on my eBook Reader Kindle Fire ...


2017 May 21st Update: Have written a Prologue to my Urdu novel  which is under preparation ... the Prologue is in the form of a poem . . . here is the Urdu text of this Introductory passage to my novel ...

             نظم  :       گم  شدہ 
                 طلعت   افروز
    ہم  گم  شدہ   ہیں 
    اور   اِدھر   اُدھر   دیکھتے 
   کچھ   پہچاننے  کی  کوشش  کرتے  چل  رہے  ہیں  
    بھٹک   رہے   ہیں  
    ہمارے   اردگرد    . . .    ہَوا     میں 
    بچھڑی  دیواروں  کی   ادھوری   شبیہیں  اُبھر  رہی   ہیں
    جن   کی  کھُردری   قدیمی  سطحوں   پر
    مِٹے   مِٹے   رنگوں   والے   نقش   جھلکتے   ہیں 
    اور   پھر   یہ   عکس  
    ہَوا   کے  جھونکوں   میں  تحلیل   ہو  جاتے   ہیں
 
    ہم   اپنے   پرانے   گھروں  کو   ڈھونڈتے
     بِسری    گلیوں   میں   آ   نکلے   ہیں 
    ہماری   نگاہیں   متلاشی   ہیں 
    اپنی  گلی   کے   پرانے   درختوں  کی
    املتاس    کے  پیلے   پھولوں  کے  ڈولتے   لچّھوں  کی 
    مولسری  کی  کلیوں  کی  پھیلتی   مہکار   کی  
     یوکلپٹس  کے    لہراتے،  گہرے  سبز،  لمبے   مخروطی   پتّوں  کی  
    بارش  کے  بعد  کی   گیلی   مٹّی   میں   پڑی   نیم   کی  نم کولیوں  کی  

     ہم   گلی   میں   کھیلتے   بچّوں  کو   
     سوالیہ  حسرت      سے   پہچاننے   کے   جتنوں   میں   ہیں 
     کیا   یہ  ہم   ہی   تو   نہیں   ہیں     . . .    ؟
     پرانے   محلّے  داروں   کو   روک  کر   اُن   سے
     بڑی   توجہ   سے 
     واپس   لوٹ   آنے   کا   رستہ   سمجھ   رہے   ہیں  
     گُزری   برساتیں   پھر   سے    برسانے  کی   تمنّا 
اِک  سیاہ    گھٹا    کی   مانند   ہماری   آنکھوں   میں   اُمڈ   رہی   ہے
  
 ہمیں   گِلہ   ہے  
  کسی    نے   بھی   تو   اپنے    راز  
           ہم   سے   سانجھے   نہیں   کیے   ہیں
     ہمارے   سنگ   سنگ   چلنے   والے   
     اپنے   اپنے   رازوں  کو  سینوں   میں   چُھپائے  
     بڑھتے   آتے   دوراہوں   پر  
  اِک    اِک  کر   کے 
     کسی   دوسری   طرف   نکلتے   گئے   ہیں   
      وُہ   کیا   راز   تھے  . . .    ؟  
      اُن   خفیہ   حقیقتوں   سے 
      جانے   ہمارے   دن  کیا   رنگ   اختیار  کر   جاتے   . . .    ؟ 
      اور   ہم   سب  کیسی    انوکھی    جوُن    میں    آ    جاتے   . . .    ؟ 
   
  ہمارے   آسمان    پر   اِک   رات    طاری   ہے 
    ہَوا    ٹھہری   ہوئی   ہے
    اور  تارے  ہمیں   ٹُکر       ٹُکر    دیکھے   جا تے   ہیں
    تنہا   چاند  ہی   ہمارا   ہم  راز  ہے
    ہماری   راہوں   پہ   بچھی   ٹھنڈی   ریت 
    ہمارے  پیروں  کو  چھوُ  رہی  ہے 
    ہم  سفر   چاند  کی  دوست  کرنیں
    ہمارے  کاندھے   پہ   دلاسے  کا   لمس   ہیں
    اور  راہ   کی   ریت  کو   جگمگا   رہی   ہیں
    اِک   دلگیر  خاموشی  کی   چھاؤں   میں
    ہم   اکیلے   چل   رہے   ہیں
    ہم   سب   گُم    ہیں  
    اور  کچھ   کھوج   رہے   ہیں  
    بھٹک   رہے   ہیں   
            
                                  مئی 14 سے مئی 20،  2017    ۔  ٹورونٹو۔



Here is the Urdu text as jpeg images ...